Colegio de San Lorenzo Ruiz de Manila of Northern Samar, Inc.
Sigaw ng Tao
Written by Janil Jay S. EQUIZA
Poetry
Isang bansang maganda, bansang masagana
Sa likas na yaman at makataong lipunan,
Pero ito ba’y maituturing na bansang mayaman
Kung lugmok at bagsak ang ekonomiya ng bayan.
Sabi pa ni Juan, “Isa sa dahilan ng kahirapan
Ang bagsak na ekonomiya, kahit mataba pa ang lupa sa kabukiran
May palay, may mais at iba pang pananim
Pero walang patabang panlagay, upang lumusog ang tanim.”
Sabi naman ni Islaw Palitaw na lulubog lilitaw
“Meron man akong kalabaw,
na bubungkal sa kabundukan
Wala naman akong makina,
na tutulong sa aking kahirapan.
Bulsa ko’y mabubutas lamang,
sa mahal ng langis sa pamilihan.”
Sigaw naman ng kabataan, gutom nilang tiyan
Sa mahal ng bilihin, tuyo lagi ang hapunan
Sa mura nilang edad , pinalaki sa basurahan
Pangarap ba nila’y itinapon na rin sa pundukan?
Talaga bang ganito na ngayon
ang ating lupang tinubuan?
Lugmok sa utang, lugmok rin sa kahirapan
Kailan ba magigising ang ating pamahalaan?
Na hindi puro pulitika ang dapat pagtuunan
Paano naman ang ekonomiya ng ating bayan?
Subscribe to this comment's feed
